اهدي قصيدة بعنوان "بسم الاب والابن ونروح القدس "

مكسيمكوس يا مكسيموس، هي كمان نقصاك ؟
هتفتحلي كنيسة عميلة تشتغل فيها على هواك؟
وستنا العدرا كونداليزا بتبارك فيك و مستنياك
و مضيالك على ورراقك من الخارجية و منصباك ملاك

عاوز ايه يا حبيبي! جايبلي مشروع امريكيّ
وعامل ثورة على الكنيسة وانشقاق تكتيكي
وحجتو قال عايز يطلق ويجوز شيكي بيكي
علشان ميفضلش قبطي رافع راسه يا مصر فيكي

عاوز تشتري وتبيع
و مع اسرائيل تعمل تطبيع
زيارات دينية وعلاقات تجارية و توزيع
وللكنيست تبارك و تهلل
و لليهود تعمل لنا تركيع!

عيسى المرة دي مش حيسلّم ليهودا
خلّيك كدة محتاس طالع من اوضة ل اوضة

فاكر نفسك تنويري و دافينشي كودا؟
دلوقت بس مش عاجبك بابا شنودة؟؟

حنلبسك السلطانية, يابني صحصح وفوق

انت عارف ايه اللي حصل واللي حيحصل لفاروق
كفاية جاسوسية واحد بلا خشة ولا زوق
مصر كلها وطنية وحتصلبك باب اللوق .

علي بطحة